Wie Hertzog Ocka ist zů gnaden genům=
men worden. vom konig Aůreliůs zů Engellandt.

Als nůn hertzog Hengst vnnd mit seinem Sun Hertzog Ocka vor
der Stat Cůmmůngeburg vberwůnden was. flog hertzog Ocka
in die Stat Eborack Derhalben konig Aůreliůs darfúr zog
Als nůn hertzog Ocka sah. das er den feinden in kein weg engegen
kůnt gieng er mit den Eldisten so er beÿ Im hett. zů rat. vnnd
darnach nam er ein ketten in die hende. vnd sandt aúff den kopff
vnd gab sich dem konig Aůrelio in gnad. mit diesen worten. Vnser
Gotter sein vberwůnden. vnd ich bin an zweiůel das dein Got
regirt / der soůil Edler herrenn in diser gestalt zů dir zůkůmmen
zwingt. Darůmb nÿm an dise ketten vnd bind vns dů wellest
vnns dann gnad vnd Barmhertzickeit ertzaigenn Als
nůn die sach an die Reth kam. sagt einer man solt In dise /
die andern man solt ÿm ein andere straff anlegenn. Aber
Bischoff Eldad sagt dise maÿnůng. Die Gabaonite kamen williglich
zů den kindern vonn Jsrahell vmb gnad bittende. vnd erlangtn sie.
Solten wir Cristen nůn vnbarmhertziger sein. Dann die Iůden
Weil sie dann vmb Barmhertzickeit biten. So wollen wir ÿn