Wie die Engellender den Sachssen In
Ir Wagenbůrg gefallen sein.

Darnach in nechstfolgender nacht. brachen die Engellender aůffs heim=
lichst so sie mochten aůf. vnd vberfieln die Sachssen In Irer Wagenbůrg
Vnd nachdem etliche Sachssen yrer zukůnfft gewar worden. weckten sie
Ir gesellen mit hornern aůf. Aber nichts desterweniger fieln die Engel=
lender in der Sachssen Wagenbůrck. Vnd nachdem sich die
Sachssen zůr gegenwer. solcher vbereÿlůnghalben nicht gnůgsam
Versehen hetten. wůrden Ir beÿ tausent von den Engellendern erslagen.
vnnd hertzog Ocka. sambt hern Cosa gefangenn.