Wie die Sachssen Engellandt
behaltenn haben.

Darnach zog konig Caualladrůs Sůn Yůor vnd sein vetter nach Engel=
landt dasselb konigRaich wider abzůgewÿnnen. Vnd wiewol sie sich hoch
derhalbenn bemůten. doch kůnten sie wiewol in NeůnViertzig Iharn. nichts
sůnderlichs erlangen. Dauon es kam das die altenn Britanner ader
Engellender so ser abnamen das sie aůch Irn Namen verlorn. vnd nicht
mer wievor Sůndern Gnalenser von Irem hawbtman Gnalo
oder der kongÿn Gnalers genant wordenn. Darůber bliben die Sachssen
Inn Engellandt Baweten den Acker. Richteten die Stete aůch wider aůff
Vnnd herschten Im gantzen Landt Loegria. Vnd hertzog Adelstan
als Galfridůs schreibt wart ir Erster konig. Vnnd die Engellender
als gar vngeraten vnd vngleich Irer vorigen tůgent kamen nicht wider
an das KonigRaich zu Engellandt.