Wie disser Konig Ditterich zü Sachssen mitsambt
den seinen in Franckraich gezogen vnd dasselb beschedigt
habenn.

Die zeit wůrdenn die Sachssen zů sambt ÿrem konig Dittrich abermals
abfellig Vnnd aůs dem alten hass vnd widerwillen den sie wider die Frantzo=
sen vnnd Francken vil zeit getragenn hetten. zcogen sie wieder. Herrnn
Carlman. vnd hern Pipin. gebrůdere Konige zů Franckraich. Vnd
tetten ÿrn Landenn vil schadens mit heimlichen einfall. zwacken. Rawben.
Vnnd Brennen. Triben ÿn aůch ÿr lewt vnd vihe weg. Damit sie ÿr Landt
verhertenn. Wiewol Sie nÿe keÿn recht heer
beÿeinander hettenn.