Wie konig Ditterich zü Sachssen von
den Frantzosen ist belegt wordenn.

Da Konig karlman. vonn Franckreich gar keÿn widerstant von den Sachssen
het. zůg er mit seinem heer fůr das Schlos Holtzbůrg. Vnnd belegt konig. Dittrich.
daraůff.  Weil nůn vilbenanter konig zů Sachssen. mit vil Jarn be=
Ladenn. was erschrack er disser belegerůng So hoch. Das er Erstlich vnbedacht was.
wie er seinen dingen thůn solt. Darnach setzt er all sein hoffnůng
aůff benante seÿn dreÿ Sůn Vnnd beschlos beÿ ÿm die belegerůng zůgedůlden
Bis ÿn seÿn Sůn důrch streitbarkaÿt aůs seinem obligenn entledigten. Oder
aber bis er nach ersehůng seins vortaÿls mocht entfliehenn.