Disser Fůrst Albio hat Konig Witkindt. alle Vetterlich lieb vnnd /
trewmaÿnůng seÿnes hochsten vermůgens. mit worten vnnd werckenn.
vnnd Jm Frid vnd krieg. beweyset Mann findt aůch das er in eÿner rich=
tůng dem konig Wydkindt von dem hailigen kaÿser Karll aůfgelegt.
mit dem hailigen kayser karll in pfandt weÿs seÿ in Franckraich getzogenn
vnnd gefůrt worden.

Wie Albio in des konigs Pipin von Franckraich
Landt getzogen vnd dasselb verhert hatt.

Disser Furst Albio hat sich vonn Jůgent aůff Ritterlicher getete vnd streitbar=
kaÿt hochbevlissenn. Darůmb ist er mit seÿnem Vatern. Konig
Edilhartt. konig. Pipin. vonn Franckraich des hailigen vnd grossenn
kayser karls Vatern Landt getzogen. vnd hat dasselb bis an reÿn helffen verhern vnnd
Verterben.