Wie die Nortmanner die
Sachssen vberzogen haben.

Weyl disse zwen hertzoge mit den Denen aůff beůelh Romischer Kaÿserlicherr
Maiestat. krigtenn. erhůbenn sich die Nortmanner mit aller macht. Wann
Nachdem die Nortmanner ein grosse slacht. důrch obsÿgůng kaÿser Arnolffs
verlorn hettenn. Begerten Sie sich an yren nachparn den Friesen. Sachssenn.
vnd wenden. Als an des hailigen Romischen Reichs vnderthanen zůrechen.
Vnd vberfielen am Ersten die wenden vnd zerprachen Dammÿn aine der grostenn
Stete in gantzen Eůropa. fůrten die lewth hinweg. vnd machten ÿn die wenden zinsbar.
Nachdem selbigen Sÿg worden sie aůch die Sachssen angreiffen. Aber der Sachssen hertzog weiset
Sie ab. mit einer grossenn Schlacht. dÿ er ÿn abgewan.