Von des Grossenn hertzogenn Otto
Frawen vnnd Kindernn.

Dieser Fůrst hat zů der ehe gehabt Frawenn. Lůdegart. ain konigÿnn von.
Franckreich. Vnnd des Romischen Kaÿser Arnolffs. vnnd hertzogen zů Baÿrn
tochter. Disser. Otto. was aůch kaÿser Lůdwigs weib Brůder die aůch.
Lůdegart. hies Vnnd dieser Gros Hertzog. Otto. zů
Sachssenn hat vonn seiner eelichen gemaheln Dreÿ Sůne gehabt. Hertzog.
Heinrich. Darnach den Erstenn Romischen konig. Der aůch ein Vater
was. des Grossenn kaÿsser. Otto. des namens des Erstenn Hertzog.
Tammar. vnnd hertzog. Lewtolff. Welche zwenn vor yrem
Vater verstorben sein. Er hett aůch zwo tochter. Baba. ain Grefÿnn
zů Babinberg. Vnnd Adelheydenn. ain Eptÿssin zů Qůidlingenbůrg.