Wie von haÿschrecken ein gros
sterben erwachssen ist.

Die zceit warnn In Franckraich hayschreckenn mit sechs flůgeln vnd soůil
fůssenn. mercklicher anzall. vnnd verderbten alle frůcht. vnnd fieln
In das Englisch meer. Vnnd als sie das Mehr wider aůswarff.
vergifften sie dÿ lůfft. vnd machten eÿn gros sterbenn.

Bey dieser zceit zogenn die zwen Fůrstenn Konig. Lüdwigs. In Teůtzschen
Landen. Herr. Lůdwig. vnnd herr. Karll. wider den Romischenn
Kaÿser. Karll. yres vettern mit heer Inn Jtalien ÿn vmb sein Raich
vnnd leben zebringen. Vnd Inn dem wart ym vonn seynem leibartzt
eynem Jůden Sedechias genant. zů Mantůa vergeben. Daůon er aůch starb.