Erstlich Frawenn. Hatbůrg. Graůen Erwin des Eldern von Aldenbůrg
tochter. Wiewol ein eÿngesegente Closter Fraw vnnd Witwe.

Vonn welcher er eÿn Sůn het genant. Tammar. Ader als etlich haben Tammo.

Darnach nam sein lieb gegenn derselben Frawen ab. Vnnd erkant das er gesůndigt.
hett. vnrechter mahelschaffthalbenn. vnd lies sich mit recht vonn ÿr taÿlen. /

Darnach nam er nach Loblicher Ordnůng der hailigenn Cristennheÿdt
Mechtildt. Hertzog. Ditterichs. zů Engern. vnnd Graůenn
zů Ringelhaÿm tochter. Aůch aůs dem Edelnn vnnd Aldenn geschlecht des
Grossenn konigs vnnd hertzogen Wÿtkindts. gebornn.

Mit dieser Frawen hat er erlangt Dreÿ Sůn. Hertzog. Otto. hertzog.
hainrich. Vnnd Hertzog. Braůn. Oder Brůno.

Von welchen. Otto. Romischer kaÿser wart. des namen der erst. vnnd sůst der
Gros kaÿser. Otto. genant.

Hainrich. Was hertzog Erstlich zů Sachssen. vnd Darnach in Baÿrnn.

Vnnd Hertzog. Braůn. Ader Brůno. wart ein hailiger ErtzBischoff
zů Colnn. Vnnd hertzog zů Lotringenn.

Er hat aüch mit ÿr Vier tochter gehabt. Rixa. ader Rizza. Hedwig.
Gerbůrg. vnd. Mechtildt.

Wie dieser Romischer konig sein tochter eelich vermahelt.
vnnd súst loblich versehenn hatt.

Dieser Romischer Konig. hat diese sein benante tochter. alle mit grossem vleÿs.