Raich. vnnd Dyweil er konig seÿ gewest. gehabt hab. Diese konigÿnn.
nent der Erwirdig Vater Růprecht Gaguin Generall des Ordens der hailigen
Dreyfaltigkait in seynem au:szcůg. der konige vonn Franckraich Cronickenn
Engeberg. Vnnd Sagt sie hab zwen Sůn. mit diesem yrm herren gehabt.
Lotharienn. nach seinem Vater Konig zů Franckraich. Vnnd.
Lůdwig. Hertzog zů Lotringen. Darnach hat diese Fůrstÿnn genůmmen
hertzog. … . von Lotringenn.

Wie dieser Romischer konig seÿn.
Dritte tochter vermahelt hat.

Dieser Romischer Konig hat sein dritt Tochter. hedwig. dem Grossenn
Hůgo. Sůst aůch hůg dem Cappen. Oder Capet genant. gegeben. Welcher
ist zům Erstenn Graff zů Parÿs gewest. Vnd entlich
Konig zů Franckraich gewordenn.