Wie Konig hainrich důrch kintlich
Lieb betrogen ein weib nam.

Hertzog. Hainrich. Wiewol eyn So tewrer Fůrst. vnnd Edler Herr
wart důrch kyntlich lieb entzůndt. In Hattburg. ein tochterr dess
Eldelrn [lies: Eldern] Graůen Erwins zů Aldenbůrg. Wiewol witwe vnd
eÿn ClosterFraw. Nam sie zů seÿnem ehelichen gemaheln. Vmb yrer
schon. vnnd yres gůts willenn. So ÿm mit ÿr wart. Vnd lag ehelichen
mit ÿr. zů Merssbůrg beÿ. Welche Stat er newlich het lassenn.
bemawern. Alsbaldt das Bischoff Sigmůndt zů Halberstatt
erfůr. Verbot er ÿn die vermischůng beÿ dem bann.