Wie konig Cünradts heer vnglůcklich in Sachssen
zcog. strÿt. vnd von den Sachssen erslagen wart.

Da der Romisch Konig. Cünradt. erfůr das er mit vorgemelter listickait
Bischoffs hatto. Hertzog. Hainrich nit hett kůmmen [lies: kůnnen] vmbbringenn
wart er noch vil bewegter. Vnnd schicket wider ÿn seyn Brůder Hertzog.
Eberhart. zů Franckenn mit eynem grossenn heer. das gantz Lanndt
zů Sachssenn zůůerderbenn. Als nůn des Romischen konigs Brůeder
eÿn meÿl vonn Hersprůck kůmmen was. Redt er mit grosser hoffart also.
Jch hab keÿn geringer sorg. dann das sich die Sachssenn. nit důrffenn aůs
den Stetenn in das feldt wagenn. mit mir zůstreitenn. Vnd zůstůndt
zcůgenn ym die Sachssenn mit grosser gewalt entgegenn. Vnnd erslůgenn
ym soůil Folcks das die Lanntlewffer růfftenn. Wo sein Hell wer
die soůil totenn mocht behaltenn.