Wie der Romisch konig Cunradt selbst in Sachssen mit
grosser macht zůg. vnd hertzog Hainrich aůf dem
Slos Gronde belegt. aber nichts endett.

Als der Romisch konig. Cůnradt. Seynes Brůdern. vnnd Folcks benant erlid=
denn schlacht vernam. versammelt [ergänze: er] all sein macht. aus allen seÿnenn
Landen Hertzog. Hainrich. zů Sachssenn zůsůchen. Vnd als er vergebens
hofft zuuerderben. vnd zuvberwinden. Da nůn der Romisch konÿg
in Sachssen kůmmen was. belegt er Hertzog Hainrich. aůff dem
Slos Gronde. Vnnd schicket zů ym. mit entbietůng So er sich williglich
wolt gebenn. wolt er yn wieder in gnad vnd Freůntschafft nemen. Sůst
solt das gantz Raich vber yn zcihen. Vnd yn vertreyben. Dann als
der Romisch konig merckt. das benant Slos Gronde. gar schwerlich zůge=
wÿnnen. hofft er Hertzog. Hainrich. mit gůtigkaÿt zůerweichen
Sich zůgebenn.