Wie der Romisch konig mit heer In Franckraich zcog
vnd den gefangen konig karll ledig macht
vnd wider In seÿn konigraich einsetzt.

Nach vnnd vnter wirdiger annemůng benants hochwirdigs haÿltůnmbs
fast dieser Romisch konig. aůch eÿn Sůnder gnedigs vnnd getrewes mit leÿden
mit dem gefangen konig karll. vnd zcog mit seynem gantzen heer aůs Lotring=
en Inn Franckraich. macht den gefangen konig ledig. vnnd setzet yn wider In
seyn konigraich Aber Růprecht Gagůin obengnant. schreibt
dieser konig karll von Franckraich hab geheÿssen der schlecht oder einfaltig
karl. Vnd nachdem er den hertzogen Růprecht. von Bůrgůndien Inn eÿnem
streÿt vberwůnden hett. In welchem streÿt benanter. hertzog von Bůrgůndien
aůch vmbkůmmen seÿ ym Graff hebrecht von Virimondt sein schweger
vnter aůgen getzogenn. Im scheÿn. yn freůntlichen anzůnemen. Vnd
hab yn mit freůntlichen. aber listigen wortenn aůff sein Schlos Peren
gebracht. vnd ÿn da Inn thůrm geworffen. Vnnd seÿ also Inn gefencknÿs
gestorbenn.