Wie der Romisch konig die Vngarn
Inn Osten schafft zůbestreitenn.

Der Romisch konig lag die zeit aůff dem Ried wider die Vngarnn die In Osten
gezogen warn zůstreiten. Als nůn die Vngarn erfůrn. wie es ÿrn gesel=
len ergangen was. liessen Sie alle ding steen vnnd ligen. vnd namen die flůcht.
Derhalbenn yn der Romisch konig. nach schicket eÿn Legion der Důringenn
Leichtlich verwappent. mit ÿn zů hersieren. Vnnd Sie bis aůff zůkůnfft
des geweldigenn hawffen zůůerzciehenn. Da nůn die Vngarn das
verwappent Heerr ersahenn. flohen sie so ser eÿlendt. das ÿr in acht meÿln.
wenig gefangenn. Oder erschlagen wůrdenn.