Der konig von Vngern fordert. von diesem Romischen konig. ein vermeinten zins
als von eynem Lehenman der kron zů Vngarn. Aber der Romisch konig wolt
dem konig von Vngern an verwilligůng des hailigen Romischen Raichs. nichts
widerzůsagen noch schickenn. Vngezweiůelt nachdem alle seÿn Ritterschafft.
vnd Landtschafft. warn wol geschickt worden. dem konig von Vngarn. wenn
er gleich vbel wolt. den Sÿg abzůgewÿnnen. Darůmb legt der Romisch
konig eyn Raichstag gen Fritzlar. vnd redt zů den Fůrstenn. Prelaten. vnnd
Stenden. des Hailigenn Romischen Raichs hernachfolgende maÿnůng.
Vnnser Raich in vorzeiten an allen enden zerissen. vnd důrch Innerlich vnaÿ=
nickait verwůstet. ist ÿtzt důrch Gotlich hůlff. meyn arbeyt vnd ewer menlich
streitbarkaÿt vnd Ritterlich getete. in frid gesetzt. Nůn werden wir důrch not
betzwůngen den vbrigen taÿl. wider Gottes vnd vnser Feÿndt die Vngarn zůge=
braůchen. Weyl sie dann bisanher. eůch. ewer weiber. Sůn. kinder. tochter
vnd gůter berawbt. vnd yr schatzkammern damit gefůlt. Dadůrch wir itzt gelt=
Los befůnden werden. Derhalben ich gedrůngen werd. die kirchen vnd ÿr diener
zůschatzen. Darůmb ratet eůch selbst. vnd mir. was nůn zůthůn sey. Vnd ab
ich sol den schatz got geeÿgent. seynen feinden vmb vnser erlosůng geben. Oder ab ich
sol Gotes schatz vnd ere meren. damit wir von Gott der vnns alle geschaffen.