vnnd erlost hat. můgen ewiglich erlost werden. Aüff
Welche red des Romischen konigs alles Folck mit grossem eÿntrechtigenn
geschreÿ. Vnnd seÿn hende. gegen dem hÿmmel hebendt. mit dem Romischen
konig eÿn verpůntnÿs wieder die Vngernn macht.

Wie dieser Romisch konig dem konig von Vngarn
ein húndt zů zins geschickt hat.

Als nůn der konig von Vngarn an voriger forderůng vngesetigt wolt seÿnn
vnd den zins von diesem Romisch konig vermeint zůhaben. Schickt er sein
botschafft zů dem Romisch konig. Welcher ym nach verhorůng seiner botschafft
ein alden vngestalten hůndt. an orn vnnd schwantz schicket. Mit anhengigem
befelh den selben yrem konig fůr sein tribůt. Oder zins zůbringen So er aber
daran vngesetigt wer. Solt er das mit dem schwert holnn. Etlich schreiben
das die Vngarn seyn důrch Meÿssen gezcogen. Vnnd nachdem sie ÿn Inn
vorzeiten. wie obenn berůrt In kriegen beÿstendig gewesenn. Verhofften sie die
Meysner wůrden yn hinfůr entpfangener woltat danckbar seÿn. Vnnd
helffen wider die Sachssen Aber weÿl die Meÿsner von diesem Romischen
konig vberwůnden. Vnnd ym gelobt vnnd geschwornn. habenn sie yn nit