Wie die Wenden von dieses Romischen konigs
Heer ein mercklich grosse schlacht.
.erliedenn habenn.

Als nün die wenden vermeinten den konigischen zůwernn Lůcka zůgewÿnnen
versamelten Sie sich mit aller macht. Mit den sich die kongische schlůgen. mit
solchem Sÿg vnnd glůck. das der wenden als man in etlichen Cronicken fÿndt.
zweÿmal hůnderttawsent erslagenn worden. ane die So gefangen wůrdenn.
Wiewol in solcher grossen schlacht. die Sachssenn aůch Lewt velornn [lies: verlornn]. vnnd
Nemlich zwen Graůenn bede Lothar genant. Vnnd mit dieserr
schlacht wůrdenn die Wendenn dem Romisch konig wieder gehorsam.
zinsbar. vnnd vnterthenig gemacht.