Von dem seltzamen vnd erschrecklichen opfer
das die Denen ÿrn Abgottern gethan habenn.

Die Denenn Pflegtenn Inn ÿrm vnglawben allezceit Im Neůndenn Iarr
Im Erstenn monat. yren Abgotternn. Neůnvnndneůntzig menschen mit
soůil Pferden. hůnden. vnnd habichten zů totenn. vnd zůopffern. nerrisch
verhoffend. Sie soltenn In der anndern welt fůr sie bittenn. Aůs
welchem ferlichem. vnd grawsamen fůrnemen des armen vnglawbigenn
Folcks abzůnemen was vnnd wie gros vnnd vil gůts die Denen diesem Romisch
Konig nechst Got dem almechtigen. als ÿrem erloser. schůldig seÿnn.