.Wie diesem Romisch konig ist das hailig sper vnsers.
.Seligmachers vnd herrn Jesů Cristi zůsambt.
.seÿner negel eÿnem geschenckt worden.

Aůf dieser Raÿs in Bůrgůndien. ist dem Romisch konig von dem vermeinten konig
Rudolff zů Bůrgůndien geschenckt worden. das hailig Sperr. damit vnserm herren Jesů cristi. seyn allerhailigste seyten ist geoffent worden. mitsambt eÿnem Nagell
damit seyn allerhailigste rechte handt an das gebenedeÿt Creůtz ist genagelt wordenn
Vnd das hailig Sper. hat dieser Romisch konig. Darnach seÿnem Sůn kaÿser Otto. dem grossen geben.

Von dieses Romisch konigs
grosser gotsFortickaÿt.

Dieser Romisch konig ist Inn allen Sachen ein gotsforchtiger Andechtiger Fůrst gewest.
vnnd nit weniger seÿnes Andechtigenn Cristenlichen lebens. dann seyner grossen
Sÿghafftigen streitbarkait scheinbar Darůmb findt man aůch
von ym. wenn er zů den hailigenn wolt wallenn. Das er alleweg. Seÿ mehr
zů Fůssenn gangen. Dann gefarn oder gerÿten.