zů Slesien versammelt Iren herren mit gewalt ledig zůmachen Als nůn
Sant hedwig besorgt es mocht nicht an vergiessůng menschliches blůts
gescheen zog sie selbst mit. Derhalbenn Hertzog Cůnradt vonn
Cnÿa von Clarheit diser hailigen Fůrstÿn angesichts also erschrack das
er Irn Fůrstenn zůstůndt ledig gab.

Vonn dem seligen tot diser
hailigen Fůrstÿnn.

Dise hailige Fůrstÿn Sandt [ergänze: Hedwig] ist entlich In ainem hailigen leben In eÿner
mercklichenn antzal der hailigenn Engeln gestorben. Vnd von denselben
zu hÿmmel gefůrt wordenn. Nach Cristi gebůrt zwelffhůndert. Vnd
Im Viervnndviertzigsten. Vnnd Ir Leichnam ist zů Trebenitz begraben
wordenn.