Von Frawen Elisabet geborn von Slesien
vnd Hertzogÿn zů Polnn.

Dise Fůrstÿn Fraw Elisabet hertzogen hainrichs zů Slesien des anndern
tochter. vnd hertzogenn Průnslaw vonn Poln eelich gemahel. hat mit Im
gehabt ein Sůn Průnslaw Erstlich hertzog vnnd darnach konig zů Polnn.
Aůch vier tochter Eufrosien Eptissÿn zů Trebenitz. Annen Eptissÿn
zů Oÿens. Eůffemien oder Offckenn ein ClosterIůnckfraw in Sant
Claren Ordenn zů Breslaw. Constancien Marggreůin zů Branden.
bůrg. Vnd noch ein tochter aůch Constancia gnant. Hertzogÿn
zů Cnÿen vnd der Mazen. Die mit Irem herren hat erlangt zwen Sůn.
Lescken Hertzog zů Sÿradien Zaůdamir / vnd Cracaw. Vnd
Sÿmascko oder Semomÿslen hertzog aůff der Cnÿe.