Vonn dises Fůrsten Frawenn
vnnd kindern.

Diser hertzog hat genůmmen Frawenn. Elisabet. des hertzogenn zů Poln
vnnd hern zů kalis tochter. Vnnd mit Ir erlangt Dreÿ Sůn.
Bolckenn. Hainrich. vnnd Wlodken. Aůch Fůnff tochter. hedwig
Erstlich Marggreůÿn zů Brandenbúrg. Vnnd nach Ires herren todt
ClosterFraw In Sant Claren orden zů Preslaw. Anna. vnd Elisabet
bede ClosterJůnckfrawen zů Sandt Claren zů Preslaw. Helena.
ClosterIůnckfraw zů Sand Claren zů Gnezna. vnd Eůfemia
Graůenn Otto von kernten gemahell.