Wie der kaÿser von Tartern die Stat
damascús hat eingenümmen.

Nach diser slacht lag der kaÿser vonn Tartern in der Stat Damascůs
vonn Weÿhenachten bis in den Meÿen. In hoffnůng die Stete vnd Schlosser
zůbesetzenn. die er in seiner herrschafft erlangt hett. Vnd schreib gar gůte
brieff dem Babst Bonifacio alles Cristenlichs Folck in das hailig Landt zů=
fertigen. So wolt er ÿm die besetzůng eingebenn. mit erbietůng die Cristen
zůbeschůtzen vnnd zůbeschirmen. Aber sůnderlich fordert er
die dreÿ orden. die Spitlerr. die templer. vnd die Deůtzschenn herren.
Denselben Accon vnd Damascům einzůgeben. vnd sie in die Stete vnd slosser
zůsetzen. Es geschah aber nicht. Wann die Cristen wolten nichts von seiner
wegen einemenn.