Wie dieser Lantgraff ein zeit Lang ist verlorn gewest.
vnd vonn der Lar in frembde Lanndt kummenn.

Disen Lanntgraff hett sein Vater gern gaistlich gemacht. Derhalben
er ÿn zůr lar thet. Aber weil er keÿn lůst noch willenn darzů hett.
kaůfft er harnisch. vnnd reÿt aůs dem Lanndt. das ein zeit nÿmants
wost wo er war. Inn des starb der Lantgraff Hainrich sein brůder.
Nů wolt sich benanter hertzog Otto vonn Braůnswig eindringn
vermeind das Fůrstenthůmb zů hessenn zůbehaltenn. als ÿm
vonn seiner Frawen wegenn zůgehorig Aber weill
Lanntgraff Otto noch vorhandenn was. můst er ablassenn.