Als diser Lanntgraff Otto die schůl verlassenn hett. zcog er zů Graůen
Adolff vonn Cleůen. vnnd bat vmb dinst fůr ein schůtzenn.

Als er befragt wart vmb sein namenn. Antwort er. Ich heys Herr Otto
schůtz. Daůon er lange zeit wart nit anders genant. dann Herr
Otto schůtz. Er hett ein ser gnedigenn herren vmb seiner sterck
vnnd schicklichkait willenn. Weil nůn diser Lantgraff
also vnbekant beÿ dem Graůenn Cleůen zů hoff war. starb sein
brůder Lanntgraff Hainrich Darnach bald zcog ein Edelman
in hessen genant Hainrich von hoenberg. in vorzeiten ein diener des
Grauen von Cleůen gen Ach. Vnd vnter wegen zů seinem alten herren.
Also fandt er daselbst vnnd erkant seinen herren disen Lantgraůen
Vnd Sprach. ÿn mit zimlicher eererbietůng an. Aber der Lanntgraff
wolt sich nit ee melden. bis er hort das sein brůder abgestorben war.
Also erfůr es aůch der Graff vonn Cleůenn.

Wie ein Graff von Cleůenn disem
Lantgraůen sein tochter gegeben hat.

Weil benanter Hainrich vonn Hoenberg sein Walfart gen Ach aůsrichtet.