Vonn dises Fůrstenn
Frawen vnd kindernn.

Diser Lanntgraff hat zwů Frawen gehabt. Erstlich Frawen. Elisabet gebern
von Nassaw. mit welcher er Sůn vnnd tochter hett. stůrbenn aberr alle
ab zúsambt der můterr. zům andernn nam er Frawen. Margareth.
Bůrggrefÿn vonn Nůrmberg. Vnd hett mit ÿr ein Sůn Lanntgraff /
Lůdwig. genant ein Fůrst des frids. Vnnd dreÿ tochter Elisabet.
Margareth. vnd Agnes. Nach welchen die Fůrstyn wol zehen
Jar rwet ee sie benanten Sůn. Anno domini VierzehenHůndert.
an Sant dorotheen tag gebar.