Vonn dises Fůrstenn
Frawen vnd kindern.

Diser Lanntgraff Wilhelm nam Frawen. Anna. hertzog Wilhelms
von Braůnswig tochterr. wiewol zůůor Graff Jobst vonn der Hoe.
vertrawet. Vnd hett mit ÿr Fůnff tochter gehabt. Von welchen
zwů wordenn genant. Mechtildt. der eÿne zů Weissenstein in das closter
kam. zwů tochter. Anna genant. Von welchen aůch aÿne
Jůng starb / vnd die ander in das Closter zů Sant Annenberg in Cassel kam.
Vnd katherina die Graff Adam von Beichling ist vertrawet worden. Diser
Lantgraff ist zům hailign Landt. vnd zů Rom gewest / vnd mit schwacheit
der vernůfft vnnd sÿnn beladen wordenn.