ewiglichen verschreib. Gab ÿn aůch soůil vnd grosse priůilegien als
sie begertenn. Daraůff sie zustůndt mitsambt ÿren mogenn
brůdern. freůnden vnnd gůnnern ein gros heer versammelten. vnd
gewanen In kůrtz das ganntz Landt zů Preůssen. Sie baweten aůch
das hochberůmbt vnnd vbervest Sloss Marienbůrg. Vnd Namen
důrch ÿrn gantzen orden mercklich zů an geistlichen vnd weltlichn
gůtern. Es Nam aúch der hailig glawbenn zů. Vnd Wůrden
Vier Bistůmb Inn Prewssenn gestifft /

Von ainem krieg zwischen den preůssen vnnd
Vngarn eins. vnd den Behemen andern tails.

Als aber die Deützschenn herren anfingn. die Preůssen zůkriegenn
Nachdem nůn die preůssen wůsten das ÿn der Fůrst Cúnradt von Masawrn
sein gerechtickkait vbergebenn hett / vnd erfůrn das ÿn der mechtig konig
Ottocar vonn Behem beÿstendig sein wolt / machten die Preůssen ein /
bůndt / mit dem reichen konig Bela vonn Vngarn / Vnd geredten ÿm so
baldt er den krieg anfieng. so wolten sie ÿn aůff ÿrmtail zů also
benotigen das der konig vonn Behem leichtlich mocht von ÿn baidenn
vberwůnden werden. Aůch zog kůrtz darnach der konig Bela vonn