Von wůnder geschichten
.disser zeit.

Nach Cristi gebůrt Eÿlffhůndert vnd Im Acht vnnd Sibentzigstenn Jhar
sein Dreÿ sůnnen Im Nidergang gesehenn worden. Vnd vber zwů stůndt
sein zwo Sůnnenn verschwůnnen. Vnd die mittell Sůn ist allein vnter
gangen. Dergleichen in nechstfolgenden Iharn sein dreÿ
mondt gesehen worden. Es folgten aůch etliche graůsame erdpiedem. die
etlichen Landen vil schadens tethen. vnd sůnderlich Sÿrien vnd Cicilien
In welchen landen etlich vil Stete mit grossem verterben der lewt bewegt wůrden.