Wie ein kriech důrch vergifftůng seines kaysers ist
kaÿser zů Constantinopell wordenn.

Bey disenn tagen ain gebornner kriech. Andronicůs gnant seinen kaÿser
Alexiůs vonn Constantinopel noch ein Jůngling vmb sein leben bracht /
vnd sich dess kayserthůmbs anmast. Aůch die fůrnemste in dem
gantzen Raich zu Constantinopell alle schmeelichen toteth. Aůch vil
Adels ewiglichen verweÿset. Vonn welcher seiner vbergrÿm=
mickait wegenn sein Folck beweget wart. ein andern kaÿser zůerwe=
len. Vnnd erwelten ainen Jsaac genant. Welcher mit hůlff dess
gedachtenn Raichs den vermeintn kaÿser Andronicům bekriegt / vber=
wandt Vnnd nach vilfaltiger peÿnigůng tothet.