Von ainem seltzamen regenn.

Darnach vber zwey Jhar begab sich ein vbergros vngestÿmmickait des
weters Im Důringer walt aůff der lewben. Sůnderlich vmb das dorff
Swle. Da der Almechtig lies regenn nicht wie in vorzeiten den kindernn
vonn Jsrahell das hÿmmelbrot. sundern allein vber ains Pawrnn
scheůn oder stadell vnd hoff grosse stůck Fleÿsch. gleich als speck.
Welche zům tail von den Fogeln vnd hůnden verzert wůrden. Vnd
die anndern aůf den abent als das eÿs von der sůnnen hitze verging.