Wie ein graf vonn Holsten In
seinem aigen bet erstochen worden.

Diezeit wart Graf Adolf von holsten in seÿnem eÿgen bet. beÿ der grefÿn
des herrenn von Meckelnbůrg tochter ligendt erstochenn.

Wie ein nar seinem aigen herrenn vber
tisch ein awg hat aůsgeslagenn.

Graf hanns gedachts Graůen Vater wart gefangen. weggefůrt vnd mit
vilfaltigem vnglůck beladenn. Aůch da er ein mal vber tisch frolich was.
wart sein Nar Marquardt von seiner knaben ainem ertzornt.
Derhalben er ein beÿn erwůchst. den knaben damit zůschlagenn.
Also slůg er seinem aigen herren aÿn aůg aůss.