Wie einer zům Fewr verůrtailt Inn
Franckraich ist ledig wordenn.

Am abendt vnnser Lieben Frawen Lichtmes. wůrden zwen Lůmbarder zů
Aůinion fůr die Stat aůsgefůrt sie zůůerbrennen. Vonn welcher der Elder
balt verbrant. Aber der Iůnger stůndt ein gůthe weÿl vnůersert in dem
fewr. Also banden sie ÿn hart an eÿn starcken stock. ÿnn hoffnůng ÿn also
zubehefften. das er ÿn nicht mocht entwerden. da zůrissen die bandt
alle voneÿnander. Also blib der Jůngling wie vor vnuerletzt. Da diss
der Babst Ioannes die zeit zů Aůinion wonhafftig. vernam. schicket er.
nach dem armen menschen ÿn befragendt. wie er darůon kůmmen wer.
Der anntwort dem Babst. wie das ÿm die allerhailigste JůnckFraw
Maria sichtiglichenn wer erschÿnnen. vnd hett ÿm aůs dem Fewer
geholffen. Darůmb der Babst an dem selben ort. ein kirchleyn in
die Ere der hochgelobtenn gotesgebererÿn Marie bawet vnd weÿhet.