Woher die Sachssenn
Irn Namen habenn.

Als der Gros Alexannder Konig in Macedonien den maisten tail der welt.
wie obenberůrt ist vnder sich gebracht. verlies er ein tail seiner Ritterschafft
beÿden porten des gepÿrgs Caspie. an dem fels gnant Saxům Marpesie ( .
do er aůch die Rotenn Jůdenn verschlossen hett .) zů einer hinderhůet des
landes ligen. Als dise Inne wůrden das er gestorben was. erschracken sie sere
vnd wůrdenn bedenckenn den heÿmlichen has der einwoner des Lanndts
Vnnd dorfften aůs forcht vber lanndt nicht wider heim ziehenn. Darůmb
versammelten sie dreÿhůndert schiff vnnd setzten sich daraůff mit weib
vnnd kindern. vnnd wagtenn sich aůff dem Meer Caspio zůfahrn. Aůs
welchenn schiffen nach vil arbeit vnd widerwertickait. streÿt vnnd
mancherleÿ Inseln einwonůng Viervnndzweintzig in das port des flies
der Elbe hattelen genant / kamen. Nůn wirts gnant das landt Hadelar Bremer