Vonn ainem seltzamen kawff zwischen
ainem Sachssenn vnnd Důring.

Als die Thůringenn darnach aůssen warn vnnd die Sachssen gebrůch an geldt
gewůnnen vnnd nichts hettenn. wider zůůerkawffen noch zůůkawffenn.
gedachten sie ÿn den gemachten frid wenig nůtz sein. Wiewol sie
kein vrsach mochten finden den zůbrechenn. Darůmb begab es sich das
eÿner von den Jůngen Fůrsten der Sachssenn mit namen Hartůng
aůsgieng aůff dem Lanndt spatzirn mit einem gůldenn halsbandt
mit einem gůlden fůrgespan oder hefftlen. vnd sůst mit vil golds getzirt.
Disem begegent ein Tůring fragendt was ÿm soůil golds an seinem hůnge=
richen hals nůtz wer. Dem der Sachs antwort. Ich sůch einen kawfman
das zůůerkawffen. Dann weil ich wider getreid ader frůchtragends.
ertreich besitz vnnd hůnger leid ist mir das golt wenig nůtz. Als aber
der Důring fraget wievil er dafůr gebenn solt antwort der Sachss Jch