Wie die Sachssenn dem Romischenn
Raich aber widerspennick sein worden.

Zů den zeitenn. do die kaÿser Arcadiůs Im aůffgang. vnd kaÿser Honoriůs
Im Nidergang der Sůnnen das Romisch Raich hielden. Nach Cristi gebůrt
Im Vierhůndertn Ihar. wůrden die Sachssenn abermals widerspennig
dem Romisch Raich darzů yn halff die beqůeme zeit vnd die vnaÿnickait
der Romischen kaÿserr. Wann Maximinůs wůrd von
der Ritterschafft Inn Britannia oder Engellandt zů Kaÿser erwelt.
Vnnd zog in Gallien oder Franckraich vnnd erslůg kaÿser Gracia=
nůs in der Stat lÿon. Vnnd verJaget aůch den kaÿser Valentinianůs
aus ganntz Italien. Aber er wůrd zů Letzt erslagenn Derhalben
aůch die Sachssenn Inn Jrem vngehorsam wider das Romisch Raich verblÿben.