do itzůndt Lůbeck leÿt / Hirůmb beforchtenn sich die Tůringen gar sere.
Vnnd als sie ÿn nicht getraweten. an Ewsserlich hilff den Sachssen kaÿn
widerstandt zůthůn. verbůnden sie sich mit dem konig der Franckenn /
Pharamůndůs. vnnd wůrden ÿm zinsbar. Derselbig gab ÿn seÿnes brůder
Sůn. Merwigen geheissen zů ainem konig. der do zůstůndt zwů besetzůng /
in Důringen bawet. die er baide die Mermiges [lies: Merwiges] bůrge nennet. bede beÿ Erffůrdt
gelegenn. Als nůn die baide konigRaich Francken vnnd důringen ains wůrden
vnderstůnden sich die Francken. an den Romern zůrechen. Vnd zogen vber Raÿn
In Gallien oder Franckraich vnd brachtenn do vntersich in kůrtzer zeit das
Raich Austrasiorům mit dem Fůrstenthůmb Trier das die Romer Inhetten
Aber do der Romisch Fůrst Eciůs Patriciůs kam. wůrden sie vberwůndenn
Vnnd zogen wider in Tůringenn.

Wie die Sachssenn haben Hambůrg
Vnnd Hermesbůrg gebaweth.

Darnach habenn die Sachssenn In dem Landt Wagirorům Hammebůrg
zůgedechtnÿs des Grossen Alexanders gebawet. Wann konig.