Wie die Sachssenn wider die Důring
vnnd Swaben gekriegt Habenn.

Da die Sachssen aůs Lumbardeÿ wider heÿm kamen. vnd Ir Landt
vonn Swaben vnnd Tůringn besetzt fůnden. Vnnd do sie sich bevlissen
sie aůs zůtreibenn boten sie ÿnen das Dritte tail des Lands. Darnach
den halbenn tail. Darnach zwen tail mit dem Vÿhe. wann sie sahenn sie
streitbar menner sein. Nachdem aber die Sachssenn dise erbietůng
alle verachtenn geschah ein genotter streÿt / vnnd wůrden vonn den
Sachssenn erslagen. Fůnffzehentawsent man. Vnnd von den
Důringen vnnd Swaben Sechstawsent Vierhůndert vnd achtzig.