Wie die Sachssen vnnd Swaben zům andern
mal mit einander gestritenn habenn.

Inn erstgemeltem streit blÿbenn der Sachssenn beÿ Sechstawsent. die sich
zusammen verlobten mit den eÿdenn. Sie wolten wider har noch bart scheren
also lanng bis sie sich an den Swaben vnnd Důringenn mochten gerechen.
Also geschah der annder Streit / Vnnd Ir wůrdenn soůil erslagen das sie
darnach den dritten tail des Lanndts von den Swaben begerten. zůent=
phaen. der ÿn aůch wart gelihenn. Daraůff sie vntereinander
gerwlich woneten. Vonn disem kůmpt als etlich achtenn. als man aůch
In den Sechsischenn Rechtenn liset. das vil der Sachssenn von den Swaben
kůmmen sein.