Vonn der alden Sachssen
vnvberwindlickait.

Man findt in etlichenn schrifften das die Sachssenn in vorzeitenn
nach ÿrer ankůnfft aůs kriechischenn Landen von dem Grossen
konig Alexander zů Macedonia bis aůff die zeit des hailigen vnd
grossen Romischen kaÿsers Sant Karlss. nÿe von keÿnen ÿrnn
widerwertigenn haben můgen vberwůnden werden. Vnd das sie gar
schier tawsent Jhar aneinander alleweg wÿder ÿr feÿndt. loblich
gesÿgt habenn. Wie dann důrch vermeldůng nachfol=
gender Irer krieg. clerlich angetzeigt wirdt.