Vonn der Stifftůng des Bistůmbs
zů Halberstat.

Zům anndern hat er gestifft das Stifft Halberstat. In die Ere
Sannt Steffans des hailligenn Erstenn mertrers Welchs
vormals zů Osterwick gewest was. Dissem Bistümb hat er den
Erstenn Bischoff gegebenn Sant Hÿldegrim. Sant Lůdgerss
Brůderr. Nach Cristi gebůrt Sÿbenhůndert vnnd Im
ainvnndachtzigstenn Jharr Vnnd darnach ist
es gen Halberstat gelegt wordenn.