Von der Stifftůng des Bistümbs
zů Mÿndenn.

Züm drittenn hat er gestifft das Bistůmb zů Mÿndenn. aůch in Ere
Sant peters. an der Wÿser aúff des Wÿdekints Sloss.
Vnnd hat dahin gelegt die Leichnam des hailigenn Bischoffs Feliciani. des
heilgenn mertres [lies: mertrers] Fůlgiensis. vnnd des hailigen Bischoffs vnnd mertrers
Sant Dittrichs. Aůch der hailigen mertrer Sant Capopho=
růs. Sant Abůndůs. vnnd S. Sophia witwenn.

Hat aůch daselbst zů dem Erstenn Bischoff verschafft Hercůmbertůs
ein heiliger mann. Nach vnsers hailmachers gebůrt Sÿbenhůn=
dert / vnnd Im Achtzigstenn Jhar.