Von der Stifftůng des Bistůmbs
zů Magdebůrg.

Zům Sibenden hat der hailig kaÿser karrll gestifft das Bistůmb
Magdebůrg. wiewol nicht in der gegent da es itzt leigt. Sůndern zů
Stÿde. in der herrschafft der Graůen vonn Swalenbůrg. die itzt
Graůen von der Lippenn genant werdenn. Vonn
dems…ben [lies: demselben] endt kam diss Bistůmb gein Wallersleüe darnach gen
Vrese. Vnnd entlich wart es důrch den Erstenn kaÿser Otto gein
Magdebůrg gelegt. Nach Cristi gebůrt Neůnhůndert vnnd
Im Dreisigstenn Jharr.

Welcher Romischer kaÿser aůch dasselb Stifft So gnediglich versorgt.
vnnd begabt. das er ein ErtzBistůmb daraůs machet.
Vnnd setzt da zů dem Erstenn Bischoff Sannt Adalbert.